Emile kom kuier op Pierneefteater se kuberverhoog met ’n splinternuwe Afrikaanse produksie.  So vertel hy waar die produksie ontstaan het:

‘Ek was in 2019 op ’n ses maande sabbatsreis in Rio de Janeiro. Daar het ek Portugees leer praat by ’n taalskool, wonderlike nuwe vriende gemaak en vir’n maer tannie met ’n hengse wit bolla klavier gespeel. Tydens die inperking – terug in Suid-Afrika – het ek my swaer se kamera geleen en myself geleer hoe om musiekvideo’s te maak. Toe sit ek in my sitkamer ’n show aanmekaar vir ’n virtuele gehoor. Ek vertel wat ek in alles in Rio beleef het en sing liedjies wat ek geskryf het terwyl ek daar was’.

Emile nooi die gehoor om die stories en liedjies saam met hom te kom geniet. Hy glo dat die gehoor se heupe sal jeuk om te swaai en dat die musiek ook sal ontroer.

Emile het derde plek behaal in die Huisgenoot se liedjieskryf-kompetisie en hy is benoem vir ’n Kanna-toekenning by KKNK. Hy is by geleentheid deur Laurika Rauch beskryf as een van ons land se top liedjieskrywers.